Ռուս ֆուտբոլիստը որակազրկվել է 48 խաղով

Ավստրիայի 9-րդ դիվիզիոնը ներկայացնող «Վիկտորիա Բերգնեց» ակումբի ռուս ֆուտբոլիստ Ռաշիդ Արսանուկաևը մրցակցին դիտավորյալ գլխով հարվածելու համար որակազրկվել է 48 խաղով։

«Գեֆիս/Զաթայնսի» դեմ խաղից րոպեներ առաջ Արսանուկաևը մրցակցին հարվածելու համար երկրորդ դեղին քարտը ստացավ և հեռացվեց խաղադաշտից։

Ռուս ֆուտբոլիստը, դժգոհ մնալով մրցավարի կայացրած որոշումից, զայրացած նրան ասել է. «Ես ցույց կտամ, թե ինչի համար է պետք պատժել»։

Դրանից հետո Արսանուկաևը մոտեցել է մրցակիցներից մեկին և գլխով հարվածել է նրան` կոտրելով քիթը։

Ինչպես տեղեկացնում է Kronen Zeitung-ը, ռուս ֆուտբոլիստի արարքն արձանագրվել է տեղի ոստիկանությունն կողմից և գործին ընթացք է տրվել` փոխանցվելով այն դատարան։

Աղբյուրի փոխանցմամբ` Արսանուկաևն որակազրկվել է 48 խաղով և չի կարող դաշտ դուրս գալ մինչև 2023 թ. աշուն։

«Վիկտորիա Բերգնեցն» էլ իր հերթրին ռուս ֆուտբոլիստին հեռացրել է ակումբից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am