Մխիթարյանն ԱԱԱ-ին մասնակցած առաջին հայ ֆուտբոլիստն է

«Ինտերի» կիսապաշտպան Հենրիխ Մխիթարյանը դարձել է պատմության մեջ առաջին հայ ֆուտբոլիստը, որը մասնակցել է աշխարհի ակումբային առաջնությանը, հայտնում է ՖԻՖԱ-ի մամուլի ծառայությունը։

36-ամյա ֆուտբոլիստը միլանյան գրանդի մեկնարկային կազմում է եղել մեքսիսկական «Մոնտերեյի» դեմ մրցաշարի E խմբի առաջին տուրի խաղում (1:1)` փոխարինվելով 78-րդ րոպեին։

«Ինտերը» մրցաշարում հաջորդ հանդիպումը կանցկացնի հունիսի 21-ին ու Երևանի ժամանակով 23:00-ից կմրցի ճապոնական «Ուրավայի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից