Պաշտոնական. Բելգիայի հավաքականի դարպասապահը կարիերան կշարունակի Սաուդյան Արաբիայում

Բելգիայի հավաքականի դարպասապահ Կուն Կաստելսը համալրել է Սաուդյան Արաբիան ներկայացնող «Ալ Քադիսիայի» կազմը։

Ակումբի պաշտոնական կայքը հայտնում է, որ 31-ամյա դարպասապահն ազատ գործակալի կարգավիճակում կնքել է 3 տարվա պայմանագիր. այն ուժի մեջ կլինի մինչև 2027 թ. հունիսի 30-ը։

Կաստելսը 2015 թ. հունվարից հանդես էր գալիս գերմանական «Վոլֆսբուրգում» և 275 խաղում դարպասը 91 անգամ պահել է անառիկ։

Կաստելսն ընգրկվել է Բելգիայի հավաքականի վերջնական հայտացուցակում և մասնակցելու է Եվրո-2024-ին։

Ավելացնենք, որ «Ալ Քադիսիան» հաղթել է Սաուդյան Արաբիայի երկրորդ դիվիզիոնը և 2024/25 մրցաշրջանում հանդես է գալու Պրո լիգայում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am