Մեսսի խոսքը Լիվերպուլի դեմ պատասխան խաղի ընդմիջմանը․ կադրեր Matchday վավերագրական ֆիլմից?
Կատալոնական «Բարսելոնան» հրապարակել է Matchday վավերագրական ֆիլմը, որը նվիրված է 2018/19 մրցաշրջանին։ Ֆիլմում հայտնվել են կադրեր, որտեղ Լեո Մեսսի Չեմպիոնների լիգայի «Լիվերպուլի» դեմ կիսաեզրափակիչ հանդիպման ընդմիջման ժամանակ սթափեցնող խոսքեր է ասում խաղընկերներին։ Այդ պահին կատալոնացիները պարտվում էին տանտերերին 1։0 հաշվով։
«Տղաներ, մենք քայլ առաջ պիտի անենք։ Չպետք է կորցնենք այս պահը, պետք է դուրս գանք դաշտ և 100%-ով նվիրվենք՝ ցույց տալով մեր լավագույն խաղը։ Հիշու՞մ եք «Ռոմայից» կրած պարտությունը։ Այդ օրը կրած պարտության ողջ մեղքը մերն է, ուրիշ ոչ մեկինը։ Պետք է չթողնենք՝ կրկնվի այդ ամենը»,- եզրափակել է Մեսսին։
Սակայն, ինչպես գիտենք «Լիվերպուլին» հաջողվեց կատարել ֆուտբոլի պատմության ամենահեղինակավոր comeback-ներից մեկը՝ հաղթելով 4։0 հաշվով, իսկ եզրափակչում հաղթելով «Տոտնեհեմին» 6-րդ անգամ նվաճեց Չեմպիոնների լիգայի գավաթը։