ՖԻՖԱ-ն ԱԱ-2022-ի ժամանակ խաղից դուրս իրավիճակի արձանագրման նոր համակարգ կկիրառի

ՖԻՖԱ-ն ԱԱ-2022-ի ժամանակ խաղից դուրս իրավիճակի արձանագրման նոր համակարգ կկիրառի

01/07/2022 - 23:39

Ինչպես տեղեկացնում է ՖԻՖԱ-ի պաշտոնական կայքը, Քաթարում կայանալիք աշխարհի առաջնության ժամանակ կկիրառվի խաղից դուրս իրավիճակի արձանագրման կիսաավտոմատ համակարգ։

12 տեսախցիկները, որոնք տեղադրվելու են մարզադաշտերի տանիքներում, հետևելու են գնդակի բոլոր տեղարաժերը և յուրաքանչյուր ֆուտբոլիստի մարմնի 29 տարբեր մասերը, որոնք կարող են հայտնվել խաղից դուրս իրավիճակում։

Հաղորդվում է,որ աշխարհի առաջնության ժամանակ կիրառվելիք գնդակների մեջ էլ տեղադրվելու են հատուկ ցուցիչներ։

Նոր տեխնոլոգիայի շնորհիվ` մրցավարների տեսաօգնականները ավտոմատ կերպով ծանուցում կստանան այն մասին, որ որևէ խաղացող խաղից դուրս վիճակում է։

Դրանից հետո VAR համակարգի պատասխանատուն կստուգի դրվագը և իրավիճակը կզեկուցի գլխավոր մրցավարին: Որոշման հաստատումից հետո մարզադաշտում և հեռարձակման ժամանակ կցուցադրվի 3D անիմացիա՝ գծելով խաղից դուրս իրավիճակի գիծը։

ՖԻՖԱ-ն հաստատում է, որ այժմ խաղից դուրս իրավիճակի արձանագրումը կտևի ընդամենը մի քանի վայրկյան։

Հիշեցնենք, որ աշխարհի առաջնությունը կայանալու է նոյեմբերի 21-ից դեկտեմբերի 18-ը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023