Քեյնի ֆանտաստիկ պերֆորմանսը! Բավարիան ոչ ֆուտբոլային հաշվով ջախջախեց Բոխումին 🎥

Գերմանական Բունդեսլիգայի 5-րդ տուրում «Բավարիան» Մյունխենի «Ալիանց Արենա» մարզադաշտում մրցեց «Բոխումի» դեմ։

Հանդիպման ողջ ընթացքում «ռեկորդ մայսթերն» ուներ տոտալ առավելություն` մրցակցին ջախջախելով 7:0 հաշվով։

Մյունխենյան ակումբի կազմից հերթական փայլուն հանդիպումն անցկացրեց թիմի նորեկ Հարի Քեյնն` իր անվան դիմաց գրանցելով հեթ-տրիկ և երկու գոլային փոխանցում։

Անգլիացի հարձակվողը «Բավարիա» տեղափոխվելուց հետո Բունդեսլիգայի շրջանակում անցկացրած 5 խաղում դարձել է 7 գոլի և 3 գոլային փոխանցման հեղինակ։

Թոմաս Տուխելի թիմից մեկական գոլ էլ խփեցին Լերոյ Սանեն, Էրիկ Մաքսիմ Չուպո-Մոտինգը, Մաթիյս դե Լիխտն ու Մաթիս Թելը։

Այս հաղթանակից հետո «Բավարիան» վաստակեց 13 միավոր և գլխավորեց Բունդեսլիգայի մրցաշարային աղյուսակը։

«Բոխումը», 3 միավորով, 14-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am