Տորինոն միավորներ է փախցնում Նապոլիից 🎥

Իտալական Ա սերիայի 14-րդ տուրում լավագույն եռյակում հանգրվանած «Նապոլին» սեփական հարկի տակ ոչ ոքի (1:1) արդյունք է գրանցում ետնապանհերից «Տորինոյի» դեմ խաղում և դուրս է մղվում լավագույն եռյակից։

Գոլազուրկ առաջին խաղակեսից հետո խաղի հաշիվը բացվում է 56-րդ րոպեին։ Անկյունայինի խաղարկումից հետո գեղեցիկ գոլի հեղինակ է դառնում թուրինյան ակումբի պաշտպան Արմանդո Իցցոն՝ 0։1։

«Նապոլիին» հաջողվում է փրկվել միայն խաղավերջում։ 90+2-րդ րոպեին ոչ պակաս գեղեցիկ հարվածով խաղի հաշիվը հավասարեցնում է տանտերերի հարձակման առաջատար Լորենցո Ինսինյեն՝ 1։1։

Այս խաղից հետո Գատուզոյի սաները վաստակում են 25 միավոր և մրցաշարային աղյուսակում նահանջում են՝ ժամանակավորապես հանգրվանելով 5-րդ հորիզոնականում։

Համեստ «Տորինոն» վաստակում է 1 միվոր և 14 տուրերից հետո իր միավորների քանակը հավասարեցնում է 8-ի։ Սա Ա սերիայի ընթացիկ առաջնության վատագույն արդյունքն է։ Այսպես շարունակելու դեպքում թիմը կլքի Ա սերիան։