Տոտենհեմը փայլեց` ջախջախելով Արսենալին🎥

Անգլիական Պրեմիեր լիգայի 22-րդ տուրից հետաձգված խաղում կայացավ հերթական հյուսիսլոնդոնյան դերբին, որի շրջանակում միմյանց դեմ մրցեցին «Տոտեմհեմն» ու «Արսենալը»։

Հանդիպման ողջ ընթացքում Անտոնիո Կոնտեի թիմը հիանալի տեսք ուներ և գործնականում որևէ շանս չտվեց «զինագործներին»` ջախջախելով 3:0 հաշվով։

«Խցանների» կազմից դուբլի հեղինակ դարձավ Հարի Քեյնը, մեկ գոլ էլ խփեց Հին Մին Սոնը։

Հանուն արդարության` նշենք, որ հյուրերը 33-րդ րոպեից խաղում էին 10 ֆուտբոլիստներով. Ռոբ Հոլդինգը, ստանալով երկրորդ դեղին քարտը, հեռացվեց դաշտը։

«Տոտենհեմը» երկու գոլ խփել է քանակական առավելություն ստանալուց հետո։

Այս հաղթանակից հետո «Տոտենհեմը» վաստակեց 65 միավոր և շարունակում է զբաղեցնել 5-րդ հորիզոնականը։

«Արսենալը», 66 միավորով, 4-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am