Դրամա! Սևիլիայի դարպասապահը փրկում է իր թիմին պարտությունից🎥

Իսպանական Լա լիգայի 28-րդ տուրի շրջանակում «Սևիլիան» հյուրընկալվելիս մրցեց «Վալյադոլիդի» դեմ։

Տանտերերը 44-րդ րոպեին Ֆաբիան Օրելյանայի հստակ իրացրած 11-մետրանոցի շնորհիվ երկար ժամանակ հաղթում էին 1:0 հաշվով։

Անդալուսական ակումբը պարտությունից խուսափեց միայն հանդիպման 90+4-րդ րոպեին։ Իր թիմի վերջին գրոհներից մեկի ժամանակ մրցակից տուգանային հրապարակ էր գնացել նաև «Սևիլիլիայի» դարպասապահ Բոնոն, ով անկյունայինի խաղարկումից հետո խառնաշփոթ իրավիճակում ամենաարագը կողմնորոշվեց և հուժկու հարվածով հավասարեցրեց հաշիվը` ապահովելով հանդիպման գերդրամատիկ ավարտը։

Այսպիսով, խաղն ավարտվեց 1:1 հաշվով, իսկ կողմերը միավորը կիսեցին։

Այս ոչ-ոքիից հետո «Սևիլիան» վաստակեց 55 միավոր և շարունակում է զբաղեցնել մրցաշարային աղյուսակի 4-րդ հորիզոնականը։

«Վալյադոլիդն» էլ 27 միավորով 16-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am