Սիթին խոշոր գումար կվաճրի բրազիլացի պատանի ֆուտբոլիստի համար

Սիթին խոշոր գումար կվաճրի բրազիլացի պատանի ֆուտբոլիստի համար

25/07/2020 - 18:21

Ինչպես տեղեկացնում է Globo Esporte-ն, «Մանչեսթեր Սիթին» շուտով կհայտարարի «Գրեմիոյի» 17-ամյա հենակետային կիսապաշտպան Դիեգո Ռոսայի ձեռքբերման մասին։

Աղբյուրի փոխանցմամբ՝ «քաղաքաբնակները» բրազիլացի կիսապաշտպանի տրանսֆերի դիմաց միանգամից կվճարեն 5 մլն եվրո, սակայն խաղացողի ընդհանուր արժեքը կարող է հասնել մինչև 24 մլն եվրո։ 12 մլն եվրո անգլիական ակումբը «Գրեմիոյին» կվճարի խաղացողին հաջողությամբ գրանցելու դեպքում, 3 մլն եվրո՝ խաղացողի՝ Պրեմիեր լիգայում 10 հանդիպում անցկացնելու դեպքում, իսկ ևս 4 մլն եվրո բրազիլական ակումբը կստանա այլ պայմաններ իրականացնելու դեպքում։

«Սիթին» և Ռոսան արդեն համաձայնեցրել են ֆուտբոլիստի անձնական պայմանագիրը, որն ուժի մեջ կլինի մինչև 2024 թվականը։ Նշվում է, որ առաջին մրցաշրջանում 17-ամյա կիսապաշտպանը վարձակալական հիմունքներով հանդես կգա որևէ այլ ակումբում։

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023