Սերխիո Ռամոսը շուտով նոր ակումբ կունենա

«Ռեալ Մադրիդի» և ՊՍԺ-ի նախկին կենտրոնական պաշտպան Սերխիո Ռամոսն, ամենայն հավանականությամբ, կարիերան կշարունակի թուրքական «Գալաթասարայի» կազմում։

Haber Global-ը հայտնում է, որ 37-ամյա ֆուտբոլիստն արդեն պայմանագիր է համաձայնեցրել «առյուծների հետ»։

Նշվում է, որ ստամբուլյան ակումբը Ռամոսին դիտարկում է որպես դանիացի կենտրոնական պաշտպան Վիկտոր Նելսոնի փոխարինող, ում ծառայություններով հետաքրքրված են բազմաթիվ գրանդ ակումբներ։

Հիշեցնենք, որ Ռամոսը 2021-23 թթ. հանդես էր գալիս ՊՍԺ-ի կազմում` անցկացրած 58 խաղում դառնալով 6 գոլի և 1 գոլային փոխանցման հեղինակ։

Լեգենդար պաշտպանն առավել հայտնի է «Ռեալ Մադրիդի» կազմում ունեցած մրցելույթներով, որի գույները պաշտպանել է 2005-21 թթ։

Ռամոսն «արքայական» ակումբի կազմում դաշտ է դուրս եկել 671 անգամ, խփել 101 գոլ և կատարել 40 գոլային փոխանցում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am