Սերխիո Ռամոսը գերազանցել է Ռոնալդ Կումանի ցուցանիշը
Իսպանական Լա լիգայի 30-րդ տուրի վերջին հանդիպման շրջանակում չեմպիոնության հավակնորդ «Ռեալը» հյուրընկալվելիս 1։2 հաշվով դժվար հաղթանակ տարավ «Ռեալ Սոսիեդադի» նկատմամբ՝ միավորների քանակով հավասարվելով առաջատար «Բարսելոնային»։
Երկրորդ խաղակեսի հենց մեկնարկում՝ 50-րդ րոպեպին, «արքայական» ակումբին առաջ մղեց թիմի ավագ Սերխիո Ռամոսը՝ հստակ իրացնելով 11 մետրանոց հարվածը։
Ինչպես տեղեկացնում է MisterChip-ը, իսպանացի պաշտպանը Լա լիգայի շրջանակում խփեց կարիերայի 68-րդ գնդակը։ Այդ ցուցանիշով Սերխիո Ռամոսը շրջանցեց «Բարսելոնայի» նախկին պաշտպան Ռոնալդ Կումանի ցուցանիշը։ Այդ ցուցանիշով Ռամոսը բարձրացավ երկրորդ հորիզոնական պաշտպան-գոլահարների շրջանակում։ Իսպանական Լա լիգայի պատմության լավագույն պատշպան-գոլահարը «Ռեալի» նախկին ավագ, կենտրոնական պաշտպան Ֆերնանդո Յերոն է, ում ակտիվում կա 105 գոլ։
Նշենք, որ Ռոնալդ Կումանն իր 67 գոլերից 46-ը խփել է 11 մետրանոցից, իսկ Ռամոսի ակտիվում այդպիսի 12 գոլ կա։