Սարգիս Ադամյանի գոլը Նեյմիգենի դեմ խաղում🎥

«Քյոլնը» 2022/23 մրցաշրջանի մեկնարկից առաջ վերջին ընկերական հանդիպումն անցկացրեց` մրցելով հոլանդական Էրեդիվիզիան ներկայացնող «Նեյմիգենի» դեմ։

Շտեֆեն Բաումգարտի սաները որևէ շանս չտվեցին մրցակցին` ջախջախելով 5:0 հաշվով։

«Այծերի» երրորդ գոլը 46-րդ րոպեին խփեց թիմի նորեկ Սարգիս Ադամյանը։

Նշենք, որ «Քյոլնի» կազմից դուբլի հեղինակ դարձավ 20-ամյա հարձակվող Թիմ Լեմպերլեն, մեկական անգամ էլ աչքի ընկան Օնդրեյ Դուդան ու Լինթոն Մայնան։

Հավելենք, որ արդեն հուլիսի 30-ին «Քյոլնը» պայքարը կսկսի Գերմանիայի գավաթի շրջանակում և հյուրընկալվելիս կմրցի Երկրորդ Բունդեսլիգան ներկայացնող «Յան Ռեգենսբուրգի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am