Ռոդրի. «Շոտլանդիայի խաղաոճը նման է աղբի»

Եվրո-2024-ի որակավորման փուլի 2-րդ տուրում Իսպանիայի հավաքականն A խմբի շրջանակում հյուրընկալվելիս 0:2 հաշվով պարտվեց Շոտլանդիային։

Հանդիպումից հետո «ֆուրիա ռոխայի» կիսապաշտպան Ռոդրին քննադատել է մրցակցի խաղաոճը։

«Երբ պարտվում ես, մշտապես հիասթափություն ես զգում, սակայն, կարծում եմ` շատ բան արեիցնք հաղթելու համար։

Խաղավերջում այնքան էլ արդյունավետ չգործեցինք, որպեսզի գոլի հեղինակ դառնանք, բացի դրանից, թույլ տվեցինք, որ մրցակիցը հեշտ գնդակներ ուղարկի մեր դարպասը։

Սա ֆուտբոլ է, և եթե դու ինքդ հեշտ գոլեր չես խփում, դաժանորեն պատժվում ես։

Խնդիրը մրցակցի խաղաճոն է։ Այն պետք է հարգել, սակայն այն ինձ համար նման է աղբի, քանի որ նրանք ժամանակ էին ձգում, սադրում էին և պառկում խոտածածկին։ Դա ինձ համար ֆուտբոլ չէ։

Մրցավարը պետք է կառավարեր այդ ամենը, սակայն նա ոչինչ չձեռնարկեց այդ ուղղությամբ։

Այդ ամենը մի փոքր հիասթափեցնող է, քանի որ մենք ցանկանում էինք հաղթել, բայց նրանք կանգ էին առնում և ժամանակ վատնում:

Մրցակցին իր զենքն ունի, որը լավ օգտագործեց, և ես կարծում եմ, որ հաջորդ խաղում մենք դասեր կքաղենք այս պարտությունից»,- Ռոդրիի խոսքերը մեջբերում է Independent-ը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am