Ռոբերտո Մանչինին շուտով նոր աշխատանքի կանցնի

Իտալացի անվանի մասնագետ Ռոբերտո Մանչինին շուտով կգլխավորի Սաուդյան Արաբիայի հավաքականը։

Ինչպես տեղեկացնում է ինսայդեր Նիկոլո Սկիրան, 58-ամյա մասնագետը մինչև 2026 թ. հուլիսի 31-ը պայմանագիր է համաձայնեցրել Սաուդյան Արաբիայի ֆուտբոլի ֆեդերացիայի հետ։

Ակնկալվում է, որ Մանչինին նոր աշխատավայրում կվաստակի տարեկան 20 մլն եվրո աշխատավարձ։

Աղբյուրի փոխանցմամբ` կողմերը մոտ են վերջնական համաձայնության հասնելուն։

Հիշեցնենք, որ Մանչինին վերջերս է հեռացել Իտալիայի հավաքականի գլխավոր մարզչի պաշտոնից, որը մարզում էր 2018 թ. մայիսից։

«Սկուադրա աձուրին» 2021 թ. ամռանը Մանչինիի գլխավորությամբ դարձել է Եվրոպայի չեմպիոն։