Վասկեսը ծանր վնասվածք է ստացել․ նա բաց կթողնի մրցաշրջանի մնացած հատվածը

Վասկեսը ծանր վնասվածք է ստացել․ նա բաց կթողնի մրցաշրջանի մնացած հատվածը

11/04/2021 - 23:15

Իսպանական Լա լիգայի 30-րդ տուրի շրջանակում «Ռեալ Մադրիդը» սեփական հարկի տակ 2։1 հաշվով առավելության հասավ «Բարսելոնայի» նկատմամբ։

Մադրիդյան ակումբի կազմից այդ հանդիպումը մեկնարկային րոպեներից սկսեց Լուկաս Վասկեսը, ով, սակայն, 43-րդ րոպեին վնասվածք ստացավ և չկարողացավ շարունակել խաղը՝ դաշտում տեղը զիջելով Ալվարո Օդրիոսոլային։

Ինչպես տեղեկացնում է «արքայական» ակումբի պաշտոնական կայքը, Վասկեսը վնասել է ձախ ոտքի խաչաձև կապանները։

Marca-ն էլ գրում է, որ 29-ամյա ֆուտբոլիստը միանշանակ բաց կթողնի մրցաշրջանի մնացած հատվածը: Դեռևս հայտնի չէ, թե կոնկրետ որքան կպահանջվի իսպանացի եզրային ֆուտբոլիստի ապաքինման համար։

Հիշեցնենք, որ 2021 թվականի հուինիսի 30-ին Վասկեսի ու «Ռեալի» միջև գործող պայմանագիրն ավարտվում է, ինչից հետո, ամենայն հավանականությամբ, նա դառնալու է ազատ գործակալ, քանի որ նոր պայմանագրի հարցում կողմերը դեռևս համաձայնության չեն հասել։

Հավելենք, որ Լուկաս Վասկեսն ընթացիկ մրցաշրջանում բոլոր մրցաշարերի շրջանակում անցկացրել է 34 հանդիպում՝ դառնալով 2 գոլի և 8 գոլային փոխանցման հեղինակա։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023