Ռեալում վնասվածքների համաճարակը շարունակվում է

Ըստ իսպանական հեղինակավոր Marca պարբերականի` Մադրիդի «Ռեալի» բրազիլացի ձախ պաշտպան Մարսելոյի մոտ կրկնվել է պարանոցի վնասվածքը, որը նրան անհանգստացնում է դեռևս սեպտեմբերի սկզբից։

Այս վնասվածքի պատճառով Մարսելոն ստիպված կլինի բաց թողնել Լա Լիգայի 8-րդ տուրի «Գրանադայի» դեմ հանդիպումը։

Առաջնության խաղից առաջ «Ռեալը» մնացել է առանց ձախ պաշտպանների։ Վնասվածքներ ունեն նաև Ֆերլան Մենդին և Նաչոն, վերջինս վնասվածքի պատճառով կբացակայի մոտ 2.5 ամիս։

Հիշեցնենք, որ «Ռեալ» – «Գրանադա» հանդիպումը տեղի կունենա հոկտեմբերի 5-ին, Երևանի ժամանակով 18:00-ին։