Ռեալը պայամանագիր է համաձայնեցրել Մոնակոյի տաղանդի հետ

«Ռեալ Մադրիդը» լրջորեն հետաքրքրված է «Մոնակոյի» կիսապաշտպան Օրելյեն Չաումենիի ծառայություններով։

Ինչպես տեղեկացնում է լրագրող Ռամոն Ալվարեսը, «արքայական» ակումբը պայմանագիր է համաձայնեցրել 22-ամյա ֆուտբոլիստի հետ։

Աղբյուրի փոխանցմամբ` մոնեգասկյան ակումբն իր ֆուտբոլիստի վաճառքի դիմաց ցանկանում է նվազագույնը վաստակել 50 մլն եվրո, որին հետագայում պետք է ավելանա ևս 15 մլն եվրո։

Հաղորդվում է, որ ֆրանսիացի ֆուտբոլիստի գործարքի իրականացումը կախված է նաև «Բորուսիա Դորտմունդի» հարձակվող Էրլինգ Հալանդի ապագայից։

Հայտնի է, որ մադրիդյան ակումբը լրջորեն հետաքրքրված է նաև Հալանդի ծառայություններով, սակայն եթե «Ռեալին» չհաջողվի գնել նորվեգացի հարձակվողին, ապա վստահաբար Չաումենին կհամալրի «սերուցքայինների» շարքերը։

Հավելենք, որ Օրելյեն Չաումենին ընթացիկ մրցաշրջանում բոլոր մրցաշարերի շրջանակում «Մոնակոյի» կազմում անցկացրել է 41 հանդիպում` դառնալով 3 գոլի և 2 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am