Պաշտոնական. Չելսին նոր դարպասապահ ունի

Ինչպես տեղեկացնում է «Չելսիի» պաշտոնական կայքն, ակումբը գնել է ամերիկյան ՄԼՍ-ը ներկայացնող «Նյու Ինգլանդ Ռևոլուշնի» դարպասապահ Ջորջե Պետրովիչին։

Կողմերը պայմանագիրը կնքել են մինչև 2030 թ. հունիսի 30-ը, որն ունի այն ևս մեկ տարով երկարաձգելու հնարավորություն։

«Ազնվականները» 23-ամյա դարպասապահի դիմաց վճարել են 16 մլն եվրո։

Ակնկալվում է, որ ամերկյան ակումբը հետագայում հավելավճարների տեսքով կստանա ևս 2 մլն եվրո։

Նշենք, որ Պետրովիչը դարձել է ՄԼՍ-ի պատմության ամենաթանկ դարպասապահը։

Նախորդ ռեկորդը նույնպես գրանցվել էր «Չելսիի» մասնակցությամբ, երբ լոնդոնյան ակումբը 2022 թ. օգոստոսին 9 մլն եվրոյի դիմաց գնեց «Չիագո Ֆայրի» դարպասապահ Գաբրիել Սլոնինային, ով այժմ վարձավճարով հանդես է գալիս բելգիական «Էյպենի» կազմում։

Հավելենք, որ Ջորջե Պետրովիչը «Նյու Ինգլանդ Ռևոլուշնի» կազմում հանդես էր գալիս 2022 թ. ապրիլից` անցկացրած 48 խաղում դարպասը 15 անգամ պահելով անառիկ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am