Պաշտոնական. Խավին կշարունակի մարզել Բարսելոնան

Խավին կշարունակի զբաղեցնել «Բարսելոնայի» գլխավոր մարզչի պաշտոնը, հաստատում է ակումբի պաշտոնական կայքը։

44-ամյա մասնագետն ու «բլաուգրանայի» նախագահ Ժոան Լապորտան այդ մասին հայտնել են ապրիլի 25-ին հրավիրված հատուկ մամուլի ասուլիսի ժամանակ։

Խավին, Լապորտան և ակումբի սպորտային տնօրեն Դեկուն ապրիլի 24-ին երկար բանակցություններ են վարել։ Կողմերը հասել են համաձայնության և որոշել, որ մարզիչը պետք է շարունակի աշխատանքը։ Այժմ Խավին կատալոնական ակումբում կշարունակի աշխատել նվազագույնը մինչև գործող պայմանագրի ավարտը, որը լրանում է 2025 թ. հունիսի 30-ին։

Հիշեցնենք, որ այս տարվա հունվարին իսպանական Լա լիգայի 22-րդ տուրում «Վիլյառեալից» կրած պարտությունից (3-5) հետո Խավին հայտարարեց, որ 2023/24 մրցաշրջանի ավարտին հեռանալու է «Բարսելոնայի» գլխավոր մարզչի պաշտոնից։

Խավին «Բարսելոնան» մարզում է 2021 թ. նոյեմբերից։ Ակումբը նրա գլխավորությամբ դարձել է Իսպանիայի Սուպերգավաթակիր ու Լա լիգայի հաղթող։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am