Պաշտոնական․ Յուվենտուսը Սարիին հեռացրեց զբաղեցրած պաշտոնից
08/08/2020 - 16:53
Ինչպես տեղեկացնում է «Յուվենտուսի» պաշտոնական կայքը, ակումբը զբաղեցրած պաշտոնից հեռացրել է գլխավոր մարզիչ Մաուրիցիո Սարիին։
Երեկ՝ օգոստոսի 7-ին, թուրինյան ակումբը Չեմպիոնների լիգայի 1/8 եզրափակչի շրջանակում 2։1 հաշվով հաղթեց «Լիոնին», սակայն լքեց պայքարը, քանի որ մրցակցի դաշտում ֆրանսիական ակումբն ավելի շատ գոլ խփեց։
61-ամյա մասնագետը «ծեր սենյորայի» գլխավոր մարզիչ էր նշանակվել նախորդ ամռանը՝ փոխարինելով Մասիմիլիանո Ալեգրիին։ Մաուրիցիո Սարիի գլխավորությամբ «Յուվենտուսը» ավարտված մրցաշրջանում նվաճել էր Ա սերիայի չեմպիոնի տիտղոսը։