Պաշտոնական․ Բարսելոնայի և Միլանի նախկին կիսապաշտպանը տեղափոխվեց Բիրմինգհեմ

Պաշտոնական․ Բարսելոնայի և Միլանի նախկին կիսապաշտպանը տեղափոխվեց Բիրմինգհեմ

24/11/2020 - 15:01

Ինչպես տեղեկացնում է «Բիրմինգհեմի» պաշտոնական կայքը, ակումբը պայմանագիր է կնքել ազատ գործակալի կարգավիճակում գտնվող Ալեն Հալիլովիչի հետ։

Աղբյուրի փոխանցմամբ՝ կողմերի միջև պայմանագիրը կնքվել է մինչև 2021 թվականի հունիսի 30-ը։

«Բիրմինգհեմը» հանդես է գալիս Չեմպիոնշիփում և կայացած 12 խաղերից հետո վաստակած 14 միավորով զբաղեցնում է 17-րդ հորիզոնականը։

Հիշեցնենք, որ Հալիլովիչը նախկինում հանդես է եկել այնպիսի ակումբներում, ինչպիսիք են «Բարսելոնան» և «Միլանը»։ 2015 թվականին կատալոնական ակումբը «Դինամո Զագրեբին» խորվաթ կիսապաշտպանի դիմաց վճարել է 5 մլն եվրո, սակայն ֆուտբոլիստը ոչ մի կերպ չկարողացավ իրեն դրսևորել և «Բարսելոնայի» հիմնական թիմի կազմում անցկացրել է ընդամենը 1 հանդիպում, ինչից հետո մի շարք ակումբներում հանդես է եկել վարձակալությամբ («Սպորտինգ Խիխոն», «Լաս Պալմաս»), իսկ 2018 թվականից համարվում էր «Միլանի» ֆուտբոլիստ, որի կազմում մասնակցել է ընդամենը 3 պաշտոնական հանդիպման։ 2020 թվականի հոկտեմբերից նա համարվում էր ազատ գործակալ։

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023