Չեռնոգորիան դրամատիկ պայքարում միավորներ խլեց Թուրքիայից🎥
2022 թ. Քաթարում կայանալիք աշխարհի առաջնության որակավորման փուլի 4-րդ տուրում միմյանց դեմ մրցեցին G խմբում ընդգրկված Թուրքիայի ու Չեռնոգորիայի հավաքականները։
Հանդիպումը մեկնարկել էր և ընթանում էր Թուրքիայի հավաքականի առավելությամբ, որի ֆուտբոլիստները բավական արագ ստացան երկու գնդակի առավելություն։
Նախ 9-րդ րոպեին խաղի հաշիվը բացեց Չենգիզ Ունդերը, ապա 31-րդ րոպեին իր թիմի առավելությունը կրկնապատկեց Յուսուֆ Յազիջին։
Սակայն, նախքան ընդմիջման գնալը` 41-րդ րոպեին, բալկանները, մեկ գնդակ հետ բերեցին, որն իր անվան դիմաց գրանցեց Ադամ Մարուշիչը։
Երկրորդ խաղակեսում էլ, ճիշտ է, գնդակին ավելի շատ տիրում էին Շոնել Գյունեշի սաները (61%), սակայն, կարելի է ասել, որ խաղը հավասար պայքարում էր ընթանում։
Երկար ժամանակ որևէ դարպասի գրավում չէր արձանագրվել, և երբ թվում էր, թե Թուրքիայի հավաքականը հաղթանակ կտոնի, հանդիպման հյուրերը 90+7-րդ րոպեին հավասարեցրին հաշիվը. տուգանայինի իրացումից հետո հիասքանչ գոլի հեղինակ դարձավ փոխարինման դուրս եկած Ռիստո Ռադունովիչը։
Այսպիսով, խաղն ավարտվեց 2:2 հաշվով։
G խմբի շրջանակում կայացել է ևս երկու հանդիպում.
Նորվեգիա 1:1 Հոլանդիա
Լատվիա 3:1 Ջիբրալթար
Այդ խմբի մրցաշարային աղյուսակն ունի հետևյալ տեսքը.
- Թուրքիա – 8 միավոր
- Հոլանդիա – 7 միավոր
- Չեռնոգորիա – 7 միավոր
- Նորբեգիա – 7 միավոր
- Լատվիա – 4 միավոր
- Ջիբրալթար – 0 միավոր
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am