Չելսին շարունակում է տպավորել` կրկին հաղթելով Միլանին🎥

Չեմպիոնների լիգայի 4-րդ տուրում «Չելսին» E խմբում հյուրընկալվելիս մրցեց «Միլանի» դեմ։

Հանդիպման ողջ ընթացքում «ազնվականներն» ունեին խաղային ու տարածքային լուրջ առավելություն` կրկին հաղթելով մրցակցին. այս անգամ գրանցվեց 2:0 հաշիվը։

Հիշեցնենք, որ մեկ շաբաթ առաջ Լոնդոնում կայացած խաղում Գրեհեմ Փոթերի թիմը հաղթել էր 3:0 հաշվով։

Լոնդոնյան ակումբին հաղթանակ պարգևեցին Ժորժինիոյի և Պիեր-Էմերիկ Օբամեյանգի խփած գոլերը։

Հանուն արդարության` նշենք, որ հանդիպումը բավական անհաջող ընթացք ստացավ «ռոսոներիների» համար, ովքեր 18-րդ րոպեից խաղում էին 10 ֆուտբոլիստներով. վերջին հուսյի խախտման համար դաշտից հեռացվել էր Ֆիկայո Թոմորին։

Այս խմբում կայացել է ևս մեկ հանդիպում.

«Դինամո Զագրեբ» 1:1 «Զալցբուրգ»

4-րդ տուրից հետո E խումբն ստացավ հետևյալ տեսքը.

1. «Չելսի» – 7 միավոր
2. «Զալցբուրգ» – 6 միավոր
3. «Միլան» – 4 միավոր
4. «Դինամո» – 4 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am