Չան. «Ինձզագին յուրահատուկ է. միակ մարզիչն է, ով չի խնդրում ինձ ֆուտբոլիստներ գնել»

Չեմպիոնների լիգայի կիսաեզրափակիչի պատասխան խաղում «Ինտերը» 1:0 հաշվով հաղթեց «Միլանին»` դուրս գալով մրցաշարի եզրափակիչ։

Հանդիպումից հետո «ներաձուրիների» նախագահ Սթիվեն Չանը խոսել է ակումբի գլխավոր մարզիչ Սիմոնե Ինձզագիի մասին.

«Ես շատ մարզիչների հետ եմ աշխատել, սակայն, վստահեցնում եմ ձեզ` Ինձզագին յուրահատուկ է։ Նա շատ հանգիստ է ցանկացած իրավիճակում, իսկ հանգստությունն անհավանական հատկություն է։

Բացի դրանից, նա միակ մարզիչն է, ով ինձ չի խնդրում ֆուտբոլիստներ գնել»,- 31-ամյա ֆունկցիոների խոսքերը մեջբերում է TuttomercatoWeb-ը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am