ՈւԵՖԱ-ն վերջնական որոշում է կայացրել Բելգիա – Շվեդիա հանդիպման վերաբերյալ

Եվրո-2024-ի որակավորման փուլի 8-րդ տուրում F խմբի շրջանակում Բրյուսելում կայանում էր Բելգիա – Շվեդիա հանդիպումը, սակայն, այն անավարտ մնաց առաջին կեսից հետո. այդ պահին լուսատախտակին վառվում էր 1:1 հաշիվը։

Հանդիպման ընթացքում մարզադաշտից 5 կմ հեռավորության վրա ահաբեկչական գործողություն էր տեղի ունեցել, ինչի ժամանակ սնպանվել էին Շվեդիայի հավաքականի երկու երկպագուներ։

Կողմերն անվտանգության նկատառումներից ելնելով` որոշել էին չշարունակել հանդիպումը։

Ինչպես տեղեկացնում է ՈՒԵՖԱ-ի պաշտոնական կայքը, որոշվել է 1:1 հաշիվը գրանցել որպես հանդիպման վերջնական արդյունք. այն չի վերսկսվելու։

Երկու հավաքականներին տրվել է 1-ական միավոր։

Հաղորդվում է, որ այդ հանդիպումը համարվել է ամբողջական կայացած խաղ. դեղին քարտերը մնացել են ուժի մեջ, իսկ այն ֆուտբոլիստներն, ովքեր որակազրկված էին, կկարողանան իրենց հավաքականներին օգնել Եվրո-2024-ի հաջորդ հանդիպման ընթացքում։

«Բելգիայի և Շվեդիայի ֆուտբոլային միությունները, հաշվի առնելով հանգամանքները, ուղղակիորեն ցանկություն են հայտնել չավարտել հանդիպումը և արդյունքը համարել վերջնական։ Այդ արդյունքը որևէ կերպ չի ազդի F խմբի մրցաշարային աղյուսակի վրա, քանի որ Բելգիան արդեն նվաճել է Եվրո-2024-ի ուղեգիր, իսկ Շվեդիան` դուրս մնացել պայքարից»,- նշված է ՈՒԵՖԱ-ի պաշտոնականան կայքում։

Հավելենք, որ այդ ոչ-ոքիից հետ F խմբի մրցաշարային աղյուսակն ստացավ հետևյալ տեսքը.

1. Բելգիա – 17 միավոր
2. Ավստրիա – 16
3. Շվեդիա – 7
4. Ադրբեջան – 4
5. Էստոնիա – 1

Ավելացնենք, որ այս խմբից Եվրո-2024-ի որակավորման փուլի ուղեգիր է նվաճել նաև Ավստրիայի հավաքականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am