ՈՒԵՖԱ-ն հրապարակել է 2019/20 մրցաշրջանի լավագույն ֆուտբոլիստի հավակնորդներին

ՈՒԵՖԱ-ն իր պաշտոնական կայքում հրապարակել է այն ֆուտբոլիստների անունները, որոնք հավակնելու են 2019/20 մրցաշրջանի լավագույն ֆոտւբոլիստի կոչմանը։

Մրցանակին հավակնելու են «Մանչեսթեր Սիթիի» կիսապաշտպան Կևին դե Բրոյնեն, «Բավարիայի» հարձակվող Ռոբերտ Լևանդովսկին, ինչպես նաև նրա թիմակից Մանուել Նոյերը։ Մրցանակի դափնեկրի անունը հայտնի կդառնա հոկտեմբերի 1-ին՝ Չեմպիոնների լիգայի 2020/21 խաղարկության խմբային փուլի վիճակահանության ժամանակ։

Հավելենք, որ 2010 թվականի ի վեր առաջին անգամ մրցանակին չեն հավակնելու Լեո Մեսսին և Կրիշիտանու Ռոնալդուն։

ՈՒԵՖԱ-ն հրապարակել է նաև մրցանակի 4-10-րդ տեղերը զբաղեցրած ֆուտբոլիստների ստացած միավորները․

4-5․ Լեո Մեսսիի («Բարսելոնա»), Նեյմար (ՊՍԺ) – 53 միավոր

6․ Թոմաս Մյուլլեր («Բավարիա») – 41 միավոր

7․ Կիլիան Մբապե (ՊՍԺ) – 39 միավոր

8․ Տիագո Ալկանտարա («Բավարիա»/«Լիվերպուլ») – 27 միավոր

9․ Յոզուա Կիմիխ («Բավարիա») – 26 միավոր

10․ Կրիշտրիանու Ռոնալդու («Յուվենտուս») – 25 միավոր