Նանին շատ մոտ է Ա սերիան ներկայացնող ակումբի շարքերը համալրելուն

Պորտուգալացի հանարահայտ ֆուտբոլիստ Նաին, ամենայն հավանականությամբ, կարիերան կշարունակի «Վենեցիայի» կազմում։

Ինչպես տեղեկացնում է ինսայդեր Նիկոլո Սկիրան, «Վենեցիան» մինչև 2022 թ. հունիսի 30-ը պայմանագիր է առաջարկել 35-ամյա ֆուտբոլիստին, ով ընդունել է այն։

Հայտնի լրագրող Ջանլուկա Դի Մարցիոյի կայքն էլ հայտնում է, որ հունվարի 14-ին պորտուգալացի ֆուտբոլիստը բուժզննում կանցնի Վենետիկը ներկայացնող ակումբի համար, ինչից հետո կստորագրի պայմանագիրը։

Հավելենք, որ Նանիի վերջին ակումբը ամերիկյան ՄԼՍ-ը ներկայացնող «Օրլանդո Սիթին» է եղել, որտեղից հեռացել է 2022 թ. հունվարի 1-ին։

Հիշեցնենք, որ Նանին առավել հայտնի է «Մանչեսթեր Յունայթեդի» կազմում ունեցած մրցելույթների շնորհիվ (2007-2015 թթ.), որի մարզաշապիկով անցկացրել է 230 հանդիպում` դառնալով 41 գոլի և 73 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am