17-ամյա Արսեն Զախարյանի էսթետիկ գոլային փոխանցումը🎥

Ռուսաստանի Պրեմիեր լիգայի 21-րդ տուրի շրջանակում Մոսկվայի «Դինամոն» «ՎՏԲ Արենա» մարզադաշտում մրցեց առաջնության ակնհայտ հետնապահ «Տամբովի» դեմ։

Մոսկովյան ակումբը 2։0 հաշվով վստահ հաղթանակ տարավ, իսկ գոլերի հեղինակներ դարձան Վյաչեսլավ Գրուլևը և Նիկոլո Մորոն։

Հանդիպման 37-րդ րոպեին Գրուլևին գոլային փոխանցում կատարեց «Դինամոյի» 17-ամյա հայազգի կիսապաշտպան Արսեն Զախարյանը, որը բավական գեղեցիկ է ստացվել։

Հատկանշական է, որ Արսենը երկրորդ տուրն անընդմեջ դառնում է արդյունավետ գործողության հեղինակ։ Նախորդ շաբաթ կայացած «Ախմատի» դեմ էլ նա դարձել էր գոլի հեղինակ։

Նշենք, որ Զախարյանը խաղից հետո ճանաչվել է հանդիպման լավագույն ֆուտբոլիստ։

Այս հաղթանակից հետո «Դինամոն» վաստակեց 36 միավոր և զբաղեցնում է 5-րդ հորիզոնականը՝ շարունակելով պայքարը եվրագավաթային ուղեգրերի համար։

«Տամբովն» էլ մնաց 13 միավորով, որ համապատասխանում է մրցաշարային աղյուսակի վերջին՝ 16-րդ հորիզոնականին։

Հ․Գ․ Միացեք մեր Telegram-ի ալիքին -> https://t.me/Interfootball_am