Մոնակոն սահմանել է իր տաղանդի հրաժարագինը

«Մոնակոյի» կիսապաշտպան Օրելյեն Չաումենին, հնարավոր է, հաջորդ ամառային տրանսֆերային պատուհանի ժամանակ փոխի ակումբային գրանցումը։

Ինչպես տեղեկացնում է Marca-ն, մոնեգասկյան ակումբն իր խաղացողի վաճառքից ցանկանում է նվազագույնը ստանալ 60 մլն եվրո գումար։

Աղբյուրի փոխանցմամբ` նման առաջարկ ստանալու դեպքում «Մոնակոն» պատրաստ է բանակցություններ սկսել Չաումենիին գնել ցանկացող ակումբների հետ։

Հիշեցնենք` ավելի վաղ տեղեկություններ տարածվեցին, որ 21-ամյա ֆուտբոլիստի ծառայություններով հետաքրքրված է «Ռեալը», որը մտադիր 2022 թ. ամռանը նրա միջոցով ամրապնդել կիսապաշտպանությունը։

Նշվում է, որ Չամուենիին իրենց շարքերում են ցանկանում տեսնել նաև «Լիվերպուլը», «Չելսին» ու «Մանչեսթեր Սիթին»։

Հավելենք, որ 21-ամյա ֆուտբոլիստը «Մոնակոյի» կազմում հանդես է գալիս 2020 թ. հունվարից և մինչ այս պահն ակումբի մարզաշապիկով անցկացրել է 60 հանդիպում` դառնալով 5 գոլի և 4 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am