Մխիթարյան . «Ինչ-որ պատճառներով չեմ հրավիրվել առաջիկա խաղերին»

Ինչպես գիտեք, Հայաստանի հավաքականի գլխավոր մարզիչ Խոակին Կապառոսը հրապարակել է այն 23 ֆուտբոլիստների անունները, ովքեր նախապատրաստվելու են հունիսի 1-ին և 5-ին Խորվաթիայի ու Շվեդիայի հավաքականների դեմ կայանալիք ընկերական խաղերին։

Այդ ցանկից բացակայում էր Հայաստանի հավաքականի ավագ Հենրիխ Մխիթարյանի անունը, ինչի առթիվ հայազգի կիսապաշտպանը Twitter-ի իր միկրոբլոգում կատարել է հետևյալ գրառումը.

«Ի զարմանս ինձ` Հայաստանի հավաքականի մարզչական շտաբն ինձ տեղեկացրեց, որ ինչ-որ պատճառներով չեմ հրավիրվել առաջիկա խաղերին։

Բերված պաշտոնական պատճառաբանությունները համոզիչ չէին։ Ամեն դեպքում, հաջողություն եմ մաղթում մեր տղաներին առաջիկա խաղերում»,- գրել է Մխիթարյանը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am