Միլանը փայլեց` ջախջախելով Մոնցային🎥

Միլանը փայլեց` ջախջախելով Մոնցային🎥

23/10/2022 - 12:20

Իտալական Ա սերիայի 11-րդ տուրում գործող չեմպիոն «Միլանը» «Սան Սիրո» մարզադաշտում մրցեց «Մոնցայի» դեմ։

Հանդիպման ընթացքում «ռոսոներներն» ունեին խաղային առավելություն` մրցակցին ջախջախելով 4:1 հաշվով։

Ստեֆանո Պիոլիի թիմի կազմից դուբլի հեղինակ դարձավ Բրահիմ Դիասը, մեկական անգամ էլ աչքի ընկան Դիվոկ Օրիգին ու Ռաֆայել Լեաուն։

«Մոնցայի» միակ գոլը խփեց Ֆիլիպո Ռանոկիան։

Նշենք, որ Դիասի առաջին գնդակի ժամանակ գոլային փոխանցում կատարեց դարպասապահ Չիպրիան Տետերեշանուն, իսկ Դիվոկ Օրիգին «Միլանի» կազմում խփեց իր անդրանիկ գոլը։

«Միլանն» Ա սերիայի շրջանակում տոնեց 4-րդ անընդմեջ հաղթանակը, վաստակեց 26 միավոր` բարձրանալով 2-րդ հորիզոնականով։

«Մոնցան», 10 միավորով, 14-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023