Ման. Սիթի 4:3 Ռեալ Մադրիդ հանդիպման լավագույն ֆուտբոլիստն` ըստ Interfootball-ի հետևորդների

Չեմպիոնների լիգայի կիսաեզրափակիչի առաջին հանդիպման շրջանակում «Մանչեսթեր Սիթին» թրիլլերային խաղում 4:3 հաշվով հաղթեց «Ռեալ Մադրիդին»։

Հանդիպումից անմիջապես հետո Interfootball-ի Telegram-ի հարցում տեղադրվեց` պարզելու տվյալ խաղի լավագույն ֆուտբոլիստին։

Ըստ Interfootball-ի հետևորդների` «Ռեալ Մադրիդի» հարձակվող Կարիմ Բենզեման, ստանալով ձայների 42%-ը, ճանաչվել է այդ հանդիպման լավագույն ֆուտբոլիստ։

Հիշեցնենք, որ ֆրանսիացի գոլահարը «Սիթիի» դեմ խաղում դարձել է դուբլի հեղինակ` գոլերից մեկն էլ խփելով 11-մետրանոցը «պանենկա» ոճի հարվածով իրացումից հետո։

Երկրորդ հորիզոնականը զբաղեցրել է «քաղաքաբնակների» կիսապաշտպան Կևին դե Բրույնեն (32%), ով իր անվան դիմաց գրանցեց գոլ և գոլային փոխանցում։

Երրորդ-չորրորդ հորիզոնականները կիսել են Վինիսիուսը («Ռեալ Մադրիդ», 6%) և Բերնարդու Սիլվան («Մանչեսթեր Սիթի», 6%), ովքեր այդ խաղում նույնպես աչքի ընկան մեկական անգամ։

Առաջարկված մյուս ֆուտբոլիստները բաշխվել են հետևյալ հաջորդականությամբ.

5. Ռիյադ Մարեզ («Մանչեսթեր Սիթի») – 5%

6. Ֆիլ Ֆոդեն («Մանչեսթեր Սիթի») – 4%

7-8. Ֆերնանդինիո («Մանչեսթեր Սիթի») – 2%

7-8. Գաբրիել Ժեզուս («Մանչեսթեր Սիթի») – 2%

9. Տոնի Կրոս («Ռեալ Մադրիդ») – 1%

10. Ֆերլան Մենդի («Ռեալ Մադրիդ») – 0%

Հ.Գ. Միացե՛ք Interfootball-ի Telegram-ի ալիքին այս հղումով https://t.me/Interfootball_am, որպեսզի դուք նույնպես մասնակցեք նմանատիպ այլ հարցումների