Մանեն միացավ Սալահի և Դրոգբայի «ակումբին»

Անգլիական Պրեմիեր լիգայի 8-րդ տուրի շրջանակում «Լիվերպուլը» հյուրընկալվելիս մրցում է «Վոթֆորդի» դեմ։

Հանդիպման 8-րդ րոպեին մերսիսայդյան ակումբին առաջ է մղել Սադիո Մանեն` եզրափակելով Մոհամեդ Սալահի փոխանցումը։

Ինչպես տեղեկացնում է OptaJoe-ն, սենեգալցի հարձակվողը Պրեմիեր լիգայի շրջանակում խփել է իր 100-րդ գոլը, ինչի համար նրան անհրաժեշտ է եղել 236 հանդիպում։

Մանեն դարձել է միայն երրորդ աֆրիկացի ֆուտբոլիստը, ով նման ցուցանիշի է հասնում ԱՊԼ-ում։

Աֆրիկացի ֆուտբոլիստների շրջանակում 100 գոլի սահմանը հատել էին միայն Մոհամեդ Սալահը (165 խաղ, 103 գոլ) և Դիդիե Դրոգբան (254 խաղ, 104 գոլ)։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am