Հայտնի է դարձել ԱԱ-2026-ի անցկացման ձևաչափը

Հայտնի է դարձել ԱԱ-2026-ի անցկացման ձևաչափը

14/03/2023 - 16:52

Մարտի 16-ին Ռուանդայի մայրաքաղաք Կիգալիում կայանալու է ՖԻՖԱ-ի 73-րդ կոնգրեսը, որի ժամանակ կհաստատվի նաև ԱԱ-2026-ի անցկացման ձևաչափը։

Այդուհանդերձ, The Athletic-ին հաջողվել է պարզել, թե ինչ ձևաչափով է անցկացվելու մրցաշարը։

Այսպես, ԱԱ-2026-ն անցկացվելու է ԱՄՆ-ում, Կանադայում և Մեքսիկայում, որին մասնակցելու է 48 հավաքական. լինելու է 12 խումբ` 4 հավաքականով։

Խմբերում առաջին երկու հորիզոնականները զբաղեցրած հավաքականները կպայքարը կշարունակեն 1/16 եզրափակիչում։

Մրցաշարի փլեյ-օֆֆ փուլ դուրս կգան նաև խմբերում երրորդ հորիզոնականը զբաղեցրած լավագույն 8 հավաքականները։

Սպասվում է, որ ԱԱ-2026-ը կտևի 39 օր, կունենա 104 հանդիպում, իսկ մրցաշարի եզրափակիչը կանցկացվի հուլիսի 19-ին։

Նշենք, որ մրցաշարն առաջին անգամ անցկացվելու է միանգամից երեք երկրում և առաջին անգամ մասնակցելու է 48 հավաքական։

Հիշեցնենք, որ վերջերս Կատարում կայացած աշխարհի առաջնությունում չեմպիոն դարձավ Արգենտինայի հավաքականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023