Հայաստանի Գավաթ. ոչ-ոքիներ Գավաթի կիսաեզրափակիչ առաջին խաղերում ?

Հայաստանի Գավաթի խաղարկության կիսաեզրափակչի առաջին խաղի շրջանակում այսօր՝ ապրիլի 3-ին կայացել են 2 հանդիպումներ:

«Արարատ-Արմենիան» ֆուտբոլի ակադեմիայում հյուրընկալել է «Ալաշկերտին». հանդիպումն ավարտվել է ոչ-ոքի՝ 2:2:

Հանդիպման 14-րդ րոպեին տուգանայինից հիանալի գոլի հողինակ է դարձել «Արարատ-Արմենիայի» հարձակվող Անտոն Կոբյալկոն:

62-րդ րոպեին Հրայր Մկոյանը ֆանտաստիկ գոլի հեղինակ է դարձել՝ հավասարեցնելով հաշիվը:

Հանդիպման 76-րդ րոպեին նոմինալ տանտերերի դարպասային հրապարակում խառնաշփոթ իրավիճակ է եղել, ինչի պատճառով ինքնագոլ է գրանցվել՝ 1:2:

Ընդամենը 3 րոպե անց Խոզինը պատասխանել է՝ 2:2:

Մյուս հանդիպման շրջանակում «Բանանցը» հյուրընկալել էր «Լոռիին». խաղը գոլազուրկ ավարտ է ունեցել՝ 0:0:

Պատասխան հանդիպումները կայանալու են ապրիլի 22-ին: