Համառ պայքար Միլանում. Ռեալը հաղթանակ կորզեց Ինտերից🎥
Չեմպիոնների լիգայի խմբային փուլի 1-ին տուրում «Ինտերը» D խմբի շրջանակում սեփական հարկի տակ մրցեց «Ռեալ Մադրիդի» դեմ։
Հանդիպման առաջին կեսն անցավ «Ինտերի» ֆուտբոլիստների առավելությամբ։
Տանտերերի առավելությունն առաջին խաղակեսում որոշ դրվագնորում այնքան ակնհայտ էր, որն արտահայտվել է նաև թվերի տեսքով։
Սիմոնե Ինձզագիի սաները գնդակին տիրել են 53%, կատարել են 13 հարված, որոնցից 4-ը` դիպուկ, իրացրել են 2 անկյունային հարված, անցկացրել են 36 վտանգավոր գրոհ։
Չնայած նման առավելությանը` «ներաձուրիները» նախքան ընդմիջման գնալը չկարողացան բացել խաղի հաշիվը։
Երկրորդ խաղակեսում էլ հակառակ պատկերն էր. առավելություն ուներ «արքայական» ակումբը, սակայն չէր բավականացնում դիպուկությունը։
Երկար ժամանակ կողմերին չէր հաջողվում բացել հանդիպման հաշիվը, և երբ թվում էր` խաղն ավարտվելու է 0:0 հաշվով, Կառլո Անչելոտիի սաները հաղթանակ կորզեցին. 89-րդ րոպեին աչքի ընկավ Ռոդրիգո Գոյեսը։
Այսպիսով, «Ռեալը» համառ պայքարում 1:0 հաշվով հաղթեց «Ինտերին»։
D խմբի շրջանակում կայացել է ևս մեկ հանդիպում.
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am