Հալանդի նորամուտն ու առաջին գոլը. Մանչեսթեր Սիթին հաղթեց Բավարիային🎥

«Մանչեսթեր Սիթին» ու «Բավարիան» շարունակում են միջմրցաշրջանային հատվածը` մինյանց միջև ընկերական հանդիպում անցկացնելով ԱՄՆ Վիսկոնսին նահանգի Գրին Բեյ քաղաքի «Լամբո Ֆիլդ» մարզադաշտում։

Հանդիպման ընթացքում գրանցվեց ընդամենը մեկ գոլ. 12-րդ րոպեին «Մանչեսթեր Սիթիի» հաղթական գոլը խփեց թիմի նորեկ Էրլինգ Հալանդը։

Նշենք, որ նորվեգացի հարձակվողը «քաղաքաբնակների» շարքերը համալրելուց հետո խփեց առաջին գոլը։

Հավելենք, որ թե՛ «Բավարիան» և թե՛ «Մանչեսթեր Սիթին» ավարտեցին միջմրցաշրջանային հատվածը։

Արդեն հուլիսի 30-ին երկու ակումբներն էլ կանցկացնեն Գերմանիայի ու Անգլիայի Սուպերգավաթի հանդիպումն ու կմրցեն համապատասխանաբար «Լայպցիգի» և «Լիվերպուլի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am