Խավին հրաժեշտ է տվել Ալ Սադի ֆուտբոլիստներին

Խավին հրաժեշտ է տվել Ալ Սադի ֆուտբոլիստներին

29/10/2021 - 23:22

Խավիի` «Բարսելոնայի» գլխավոր մարզիչ նշանակվելը միայն ժամանակի հարց է։

Ինչպես տեղեկացնում է Diaro Sport-ը, 41-ամյա մասնագետը հոկտեմբերի 29-ին հանդիպել է «Ալ Սադի» ղեկավարության հետ և պայմանավորվել իր հեռանալու հարցի շուրջ։

Քաթարյան ակումբի ներկայացուցիչները խնդրել են, որ Խավին ևս երկու հանդիպում ղեկավարի ակումբը Քաթարի Աստղերի լիգայի շրջանակում, ինչը նշանակում է, որ մինչև նոյեմբերի 4-ը միանշանակ որևէ պաշտոնական հայտարարություն չի լինելու մասնագետի վերաբերյալ։

Դրան զուգահեռ, իսպանացի մարզիչն «Ալ Սադի» ղեկավարությանը խնդրել է, որ եթե «Բարսելոնայից» հստակ առաջարկ ստանա, ապա ակումբը նրան բաց է թողնելու անվճար` չնայած կողմերի միջև գործող պայմանագրում կա հրաժարագնի կետ, որը կազմում է 1 մլն եվրո։

Հատկանշական է, որ, աղբյուրի փոխանցմամբ, Խավին արդեն հրաժեշտ է տվել «Ալ Սադի» ֆուտբոլիստներին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023