«Լեգիան» տրանսֆերային արժեք է սահմանել Բիչախչյանի համար

«Լեգիայի» կիսապաշտպան Վահան Բիչախչյանը, մեծ հավանականությամբ, կհեռանա ակումբից, հաստատում է Goal.pl-ն։

Լեհական ակումբը եվրագավաթային մրցաշարերի ուղեգիր չնվաճելու պատճառով ֆինանսական խնդրի առաջ է կանգնել, ուստի ստիպված է բաժանվել մի շարք առաջատար ֆուտբոլիստներից, որոնց թվում է նաև Հայաստանի ազգային հավաքականի կիսապաշտպանը։

Վարշավան ներկայացնող ակումբը 26-ամյա ֆուտբոլիստի տրանսֆերը կվաճառի, եթե վճարվի 900 հազար եվրո։

Աղբյուրը հաստատում է, որ Լեհաստանի Էքստրակլասան ներկայացնող մի շարք ակումբներ կարող են բավարարել «Լեգիայի» ֆինանսական պահանջը։

Բիչախչյանը 2025թ. հունվարին է 250 հազար եվրոյով «Պոգոնից» տեղափոխվել «Լեգիա», որի կազմում 50 խաղում խփել է 5 գոլ, կատարել 3 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml