Իտալական գրանդը մոտ է Դումֆրիսի տրանսֆերն ավարտին հասցնելուն

ՊՍՎ-ի և Հոլանդիայի հավաքականի լատերալ Դենզել Դումֆրիսը, ամենայն հավանականությամբ, կարիերան կշարունակի իտալական «Ինտերի» կազմում։

Ինչպես տեղեկացնում է իտալացի ինսայդեր Ֆաբրիցիո Ռոմանոն, երկու ակումբներն հասել են բանավոր համաձայնության։

Աղբյուրի փոխանցմամբ` 25-ամյա պաշտպանն առաջիկա օրերին կմեկնի Միլան և բուժզննում կանցնի նոր ակումբի համար։

Նիկոլո Սկիրայի տեղեկություններով էլ «ներաձուրիները» Դումֆրիսի տրանսֆերի դիմաց կվճարեն 15 մլն եվրո, իսկ հոլանդացի ֆուտբոլիստը «կապտասևերի» հետ կկքնի 4 տարվա պայմանագիր։

Հավելենք, որ Դենզել Դումֆրիսը Էյնդոհենը ներկայացնող ակումբում հանդես է գալիս 2018 թ. հուլիսից, որի կազմում անցկացրել է 124 հանդիպում` դառնալով 16 գոլի և 20 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am