Իտալական գրանդը հետաքրքրված է Սպերցյանի ծառայություններով

«Կրասնոդարի» կիսապաշտպան Էդուարդ Սպերցյանն, ամենայն հավանականությամբ, ամառային տրանսֆերային պատուհանի ընթացքում կփոխի ակումբային գրանցումը։

Ինչպես տեղեկացնում է Telegram-ի «Инсайды от Карпа» ալիքը, հայազգի ֆուտբոլիստի ծառայություններով հետաքրքրված է «Միլանը»։

Աղբյուրի փոխանցմամբ` «ռոսոներիները» մտադիր են ընթացիկ մրցաշրջանի ավարտից հետո գնել 22-ամյա ֆուտբոլիստին։

Նշվում է, որ միլանյան ակումբը պատրաստ է Սպերցյանի տրանսֆերի դիմաց պատրաստ է վճարել 8 մլն եվրո, սակայն «ցլերը» նրա վաճառքից մտադիր են վաստակել նվազագույնը 12 միլիոն։

Հիշեցնենք` ավելի վաղ Սպերցյանին իրենց շարքերում էին ցանկանում տեսնել ՊՍՎ-ն «Ֆեյենորդը», «Ֆիորենտինան», «Վիլյառեալ», «Լացիոն» և մի շարք այլ ակումբներ։

Հավելենք, որ Սպերցյանն ընթացիկ մրցաշրջանում «Կրասնոդարի» կազմում բոլոր մրցաշարերի շրջանակում անցկացրած 25 խաղում դարձել է 11 գոլի և 8 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am