Ինտերը սայթաքում է` չկարողանալով կոտրել Սամպդորիայի դիմադրությունը

Իտալական Ա սերիայի 22-րդ տուրի վերջին հանդիպումը կայացավ Ջենոայի «Լուիջի Ֆերարիս» մարզադաշտում, որտեղ «Ինտերը» հյուրընկալվելիս մրցեց «Սամպդորիայի» դեմ։

Չնայած «ներաձուրիները» հանդիպման մեծ մասում ունեին խաղային և տարածքային լուրջ առավելություն, չկարողացան կոտրել տանտերերի դիմադրությունը. գրանցվեց 0:0 հաշիվը։

Հանդիպման հերոս դարձավ «Սամպդորիայի» դարպասապահ Էմիլ Աուդերոն` կատարելով 5 սեյվ։

Այս ոչ-ոքիից հետո «Ինտերը» վաստակեց 44 միավոր և զբաղեցնում է 2-րդ հորիզոնականը։

Սիմոնե Ինձզագիի թիմն առաջնության առաջատար «Նապոլիին» զիջում է արդեն 15 միավորով։

«Սամպդորիան», 11 միավորով, նախավերջինն է` 19-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am