Ժիրուի վերադարձը. Ֆրանսիան վերջապես հաղթում է` առավելության հասնելով Ավստրիայի նկատմամբ🎥

Ժիրուի վերադարձը. Ֆրանսիան վերջապես հաղթում է` առավելության հասնելով Ավստրիայի նկատմամբ🎥

23/09/2022 - 00:57

Ազգերի լիգայի A դիվիզիոնի 1-ին խմբի 5-րդ տուրում Ֆրանսիանի հավաքականը Փարիզի «Ստադ դե Ֆրանս» մարզադաշտում մրցեց Ավստրիայի ընտրանու դեմ։

Հանդիպման ողջ ընթացքում «եռագույններն» ունեին տարածքային ու խաղային լուրջ առավելություն` հաղթելով 2:0 հաշվով։

Հանդիպման հերոս դարձավ ֆրանսիացիների հարձակվող Օլիվիե Ժիրուն, ով իր անվան դիմաց գրանցեց գոլ և գոլային փոխանցում` օգնելով աչքի ընկնել նաև Կիլիան Մբապեին։

Նշենք, որ 35-ամյա հարձակվող Ֆրանսիայի հավաքականի կազմում վերջին անգամ պաշտոնական հանդիպման մասնակցել էր Եվրո-2020-ի 1/8 եզրափակիչի շրջանակում կայացած Շվեյցարիայի դեմ խաղում (3:3, 11 մ -4:5), որը կայացել է 2021 թ. հունիսի 28-ին։

Ինչ վերաբերում է պաշտոնական խաղերում խփած գոլերին, ապա Ժիրուն «եռագույնների» կազմում վերջին անգամ մրցակցի դարպասը գրավել էր 2020 թ. նոյեմբերի 17-ին` Ազգերի լիգայի 2020/21 խաղարկության շրջանակում աչքի ընկնելով Շվեդիայի դեմ խաղում (4:2)։

Հավելենք, որ Ֆրանսիայի հավաքականն էլ պաշտոնական խաղերում վերջին անգամ հաղթել էր 2021 թ. նոյեմբերի 16-ին` ԱԱ-2022-ի որակավորման փուլի 8-րդ տուրում 2:0 հաշվով առավելության հասնելով Ֆինլանդիայի նկատմամբ։

Այս խմբում կայացել է ևս մեկ հանդիպում.

Խորվաթիա 2:1 Դանիա

5-րդ տուրից հետո A դիվիզիոնի 1-ին խումբը ստացավ հետևյալ տեսքը.

  1. Խորվաթիա – 10 միավոր
  2. Դանիա – 9 միավոր
  3. Ֆրանսիա – 5 միավոր
  4. Ավստրիա – 4 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023