Էրլինգ Հոլանդը ճանաչվել է Պրեմիեր լիգայի 2022/23 մրցաշրջանի լավագույն ֆուտբոլիստ

Էրլինգ Հոլանդը ճանաչվել է Պրեմիեր լիգայի 2022/23 մրցաշրջանի լավագույն ֆուտբոլիստ

27/05/2023 - 15:18

Ինչպես տեղեկացնում է անգլիական Պրեմիեր լիգայի պաշտոնական կայքը, «Մանչեսթեր Սիթիի» հարձակվող Էրլինգ Հոլանդը ճանաչվել է 2022/23 մրցաշրջանի լավագույն ֆուտբոլիստ:

Նորվեգացի հարձակվողը քվեարկության արդյունքում առաջ է անցել Կևին դե Բրույնեից («Մանչեսթեր Սիթի»), Հարի Քեյնից («Տոտենհեմ»), Մարկուս Ռեշֆորդից («Մանչեսթեր Յունայթեդ»), Կիրան Տրիպիեից («Նյուքասլ»), Բուկայո Սակայից և Մարտին Էդեգորից (երկուսն էլ՝ «Արսենալ»):

Նշենք, որ Հոլանդը դարձել է «Մանչեսթեր Սիթիի» 5-րդ ֆուտբոլիստն, ով ճանաչվում է ԱՊԼ-ի մրցաշրջանի լավագույն ֆուտբոլիստ: Նախկինում երկու անգամ մրցանակին արժանացել է Կևին դե Բրույնեն (2019/20 և 2021/22 մրցաշրջաններ), մեկական անգամ էլ՝ Վենսան Կոմպանին (2011/12) ու Ռուբեն Դիաշը (2020/21):

Հավելենք, որ Էրլինգ Հոլանդը Պրեմիեր լիգայի ընթացիկ խաղարկությունում անցկացրած 35 խաղում 36 անգամ գրավել է մրցակիցների դարպասը՝ դառնալով մեկ մրցաշրջանի ընթացքում երբևէ ամենաշատ գոլի հեղինակ դարձած ֆուտբոլիստը:

22-ամյա ֆուտբոլիստը գերազանցել է Էնդի Քոուլի («Նյուքասլ») և Ալան Շիրերի («Բլեքբեռն») պատմական ռեկորդը, ովքեր համապատասխանաբար 1993/94 և 1994/95 մրցաշրջաններում խփել էին 34-ական գոլ:

Հիշեցնենք, որ Էրլինգ Հոլանդն ընթացիկ մրցաշրջանից առաջ է «Բորուսիա Դորտմունդից» տեղափոխվել «Մանչեսթեր Սիթի»:

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023