Էրլինգ Հալանդը դարձել է աշխարհի ամենաթանկարժեք ֆուտբոլիստը

Հեղինակավոր Transfermarkt կայքն անցնող օրերին թարմացրել է անգլիական Պրեմիեր լիգայում և ֆրանսիական Լիգա 1-ում հանդես եկող ֆուտբոլիստների տրանսֆերային արժեքները։

Հերթական թարմացման արդյունքում «Մանչեսթեր Սիթիի» հարձակվող Էրլինգ Հալանդը դարձել է աշխարհի ամենաթանկարժեք ֆուտբոլիստը։

Նորվեգացի գոլահարի արժեքն աճել է 20 մլն եվրոյով և դարձել 170 մլն եվրո։

Դրան զուգահեռ, ՊՍԺ-ի հարձակվող Կիլիան Մբապեի տրանսֆերային արժեքն մնացել է անփոփոխ, ով շարունակում է գնահատվել 160 մլն եվրո։

Արդյունքում Հալանդն աշխարհի ամենաթանկարժեք ֆուտբոլիստների ցանկում շրջանցել է Մբապեին` 2-րդից բարձրանալով 1-ին հորիզոնական։

Աշխարհի ամենաթանկարժեք ֆուտբոլիստների լավագույն տասնյակն այժմ ունի հետևյալ տեսքը.

1. Էրլինգ Հալանդ («Մանչեսթեր Սիթի») – 170 մլն եվրո
2. Կիլիան Մբապե (ՊՍԺ) – 160 մլն
3. Վինիսիուս («Ռեալ Մադրիդ») – 120 մլն
4. Ֆիլ Ֆոդեն («Մանչեսթեր Սիթի) – 110 մլն
5. Պեդրի («Բարսելոնա») – 90 մլն
6. Ջուդ Բելինգհեմ («Բորուսիա Դորտմունդ») – 90 մլն
7. Բուկայո Սակա («Արսենալ») – 90 մլն
8. Հարի Քեյն («Տոտենհեմ») – 90 մլն
9. Դուշան Վլահովիչ («Յուվենտուս») – 85 մլն
10. Ջամալ Մուսիալա («Բավարիա) – 80 մլն