Էնրիկեն` Բարսելոնայի մասին. «Արդեն առաջընթաց եմ նկատում»

Էնրիկեն` Բարսելոնայի մասին. «Արդեն առաջընթաց եմ նկատում»

13/12/2021 - 14:34

Իսպանիայի հավաքականի գլխավոր մարզիչ Լուիս Էնրիկեն խոսել է «Բարսելոնայում» Խավիի կատարած աշխատանքի մասին.

«Մենք բոլորս տեսնում ենք, որ Խավին յուրահատուկ մարդ է։ Նրա մեջ պետք է վստահություն սերմանել։

Ես արդեն առաջընթաց եմ նկատում։ Հավանական է, որ սա դեռ այն չէ, ինչ ցանկանում են տեսնել երկրպագուները, սակայն բարեփոխումների համար ժամանակ է հարկավոր։ Նրանք փնտրում են այն ներուժը, որին «Բարսելոնան», իրոք, տիրապետում է։

Խավին այնպիսի թիմի գլխավոր մարզչի պաշտոնն է զբաղեցրել, որի ֆուտբոլիստների մեծ մասը չունեն ինքնավստահություն։ Վստահությունը դեղահաբեր ընդունելով չի առաջանում։

Պետք է ժամանակ տալ, որպեսզի «Բարսելոնան» սկսի ավելի լավ խաղալ»,- «ֆուրիա ռոխայի» գլխավոր մարզչի խոսքերը մեջբերում է Marca-ն։

Հիշեցնենք, որ Խավին, որպես ֆուտբոլիստ, 2014-15 թթ. «Բարսելոնայում» հանդես է եկել հենց Էնրիկեի գլխավորությամբ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023