Զախարյանի տրանսֆերային արժեքն աճել է 125%-ով

Զախարյանի տրանսֆերային արժեքն աճել է 125%-ով

16/09/2021 - 12:10

Հեղինակավոր Transfermarkt կայքը թարմացրել է Ռուսաստանի Պրեմիեր լիգայում հանդես եկող ֆուտբոլիստների տրանսֆերային արժեքները։

Ամենաշատ տրանսֆերային արժեքի աճ գրանցել է Մոսկվայի «Դինամոյի» կիսապաշտպան Արսեն Զախարյանը, ով այժմ գնահատվում է 9 մլն եվրո։ 18-ամյա ֆուտբոլիստի արժեքն ավելացել է 125%-ով կամ 5 մլն եվրոյով։

Հայազգի ֆուտբոլիստին հաջորդում է «Լոկոմոտիվի» կիսապաշտպան Ռիֆատ Ժեմալետդինով, ում արժեքը 4 մլն եվրոյից դարձել է 7.5 միլիոն։

Զախարյանի թիմակից Կոնստանտին Տյուկավինն էլ 3-ից դարձել է 6.5 մլն եվրո։

Հատկանշական է, որ Արսեն Զախարյանը դարձել է ՌՊԼ-ի` Մ-21 տարեկանների շրջանակում ամենաթանկարժեք ֆուտբոլիստը։

Բացի դրանից, նա տեղ է գտել նաև ողջ աշխարհի Մ-19 տարեկան ֆուտբոլիստների թոփ-20-ում` զբաղեցնելով 16-րդ հորիզոնականը։

Մ-19 տարեկանների շրջանակում աշխարհի ամենաթանկարժեք ֆուտբոլիստը «Բարսելոնայի» կիսապաշտպան Պեդրին է, ում արժեքը գնահատվում է 80 մլն եվրո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023