Դրամա «Լուիջի Ֆերարիսում». Ջենոան 90+6-րդ րոպեին հաղթանակ կորզեց Յուվենտուսից🎥

Դրամա «Լուիջի Ֆերարիսում». Ջենոան 90+6-րդ րոպեին հաղթանակ կորզեց Յուվենտուսից🎥

07/05/2022 - 01:23

Իտալական Ա սերիայի 36-րդ տուրի շրջանակում «Ջենոան» «Լուիջի Ֆերարիս» մարզադաշտում մրցեց «Յուվենտուսի» դեմ։

Գոլազուրկ առաջին կեսից հետո կողմերը դրամա էին պատրաստել ֆուտբոլասերների համար։

Երկրորդ խաղակեսի հենց մեկնարկում` 48-րդ րոպեին, Պաուլո Դիբալան աջ ոտքի հիանալի հարվածով բացեց հանդիպման հաշիվը։

Երկար ժամանակ դարպասի նոր գրավումներ չէին արձանագրվում, իսկ կողմերը բազմիցս վրիպում էին նպաստավոր դիրքերից։

Թվում էր` թուրինյան ակումբը կհաղթի իր համար ոչինչ չորոշող խաղում, սակայն հանդիպման վերջնամասում «Ջենոնան» ոչ միայն հավասարեցրեց հաշիվը, այլև հաղթանակ կորզեց։

Նախ 87-րդ րոպեին աչքի ընկավ Ալբերտ Գունդմունդսոնը, ապա 90+6-րդ րոպեին տանտերերին հաղթանակ պարգևեց Դոմենիկո Կրիշիտիոն` դիպուկ իրացնելով 11-մետրանոց հարվածը։

Այսպիսով, «Ջենոան» հաղթեց 2:1 հաշվով, ինչից հետո Ալեքսանդր Բլեսինի թիմը վաստակեց 28 միավոր` բարձրանալով 18-րդ հորիզոնական ու շարունակում է պայքարել տեղն Ա սերիայում պահպանելու համար։

«Յուվենտուսը», 69 միավորով, 4-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023