Գիրասիի հերթական բենեֆիսը. Շտուտգարտը հաղթեց Դարմշտադտին 🎥

Գերմանական Բունդեսլիգայի 5-րդ տուրի մեկնարկային խաղում «Շտուտգարտը» սեփական հարկի տակ մրցեց «Դարմշտադտի» դեմ։

Հանդիպման ողջ ընթացքում տանտերերն ունեին տոտալ առավելություն` 3:1 հաշվով տոնելով կամային հաղթանակ։

Սեբաստիան Հյոնեսի թիմից կրկին փայլեց Սերու Գիրասին, ով դարձավ դուբլի հեղինակ։

27-ամյա հարձակվողը Բունդեսլիգայի ընթացիկ խաղարկությունում անցկացրած 5 խաղում խփել է արդեն 10 գոլ և գլխավորում է լավագույն ռմբարկուների ցուցակը։

«Շտուտգարտի» կազմից մեկ գոլ էլ խփեց Էնցո Միյոն, իսկ «Դարմշտադտի» միակ գոլը, որպես ինքնագոլ, գրանցվեց Դան-Աքսել Զագադուի անվան դիմաց։

Այս հաղթանակից հետո «շվաբները» վաստակեցին 13 միավոր` գլխավորելով Բունդեսլիգայի մրցաշարային աղյուսակը։

«Դարմշտադտը», 1 միավորով, վերջինն է` 18-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am